بسم الله الرحمان الرحيم
1- قالك وحد قاعد يقرى في الجرنان ضربتو مرتو بالمقلة قلها وشبيك قلتلو لقيت وحد الورقة في الجيبك مكتوب عليها سوسو شكون هي قلها ربي يهديك سوسو اسم الحصان لي نشجعو صدقاتو ورحت سمانة من بعد عاودت ضرباتو بلمقلة قالها قلها يامرا يهديك ربي واش كاين قالتلو لحصان نتاعك يعيطلك في التيليفون.
2- قالك واحد زاطل قال لصحابو كاينة حاجة وحدة مدوختني في هذي الدنيا قالو واش هيا قالهم الحمار الوحشي ابيض ومخطط بالاسود ولا اسود ومخطط بالابيض.
3- قالك وحد الامير عندو فيل هداك الفيل يفسد الزرع نتع الفلاحين ديما يفسد وهما مايقدرو يقولوا والو للامير يخافو منوا وحد النهار جا وحد كوراج ميخافش قالهم انا نهدر مع الامير بصح بشرط تروحو معايا كي نبدا نهدر لازم كامل تهدرو معايا قالولو خلاص تفهمنا. كي دخلو عند الامير وقف هداك الكوراج هو للول والفلاحين موراه. قالو ياسيدي الامير الفيل نتاعك وسكت يسنى في الناس يهدروا زاد عود يا سيدي الامير الفيل نتاعك وسكت الناس محبوش يهدرو وشاف معاهم الامير وقالهم اهدرو وشبيه الفيل النتاعي. قالو يا سيدي الامير الفيل نتاعك لازمتلو فيلة .
4- قالك واحد في حياتوا كامل وهو ياكل في اللوبيا وميقولش بسم الله ديما ياكل معاه الشيطان وحد النهار جا رايح يبدا المكلة خرجلو الشيطان قالوا يصاحبي انت قع متقولش بسم الله
5- قالك واحد رفع قضية طاحت عليه .
